اضحك علشان الكاميرا شعر سمير البحيري

عمرك ما شوفت ف قلب تكشيرة الفرح. آهى دى بقى صورة اللى قلبه بينجرح اضحك لا حد يصورك والحزن فيك الدنيا مش دايما مقاس المخلصين ولا فيها حد يقول كمان ان انت صح ودورك ما جاش ولأن ودنك مش من عجين ولا عمره قلبك يوم لحد عمل طناش هيدوبوك جوه الحياهوهاياخدوا شربة سكرك ويعكرك منهم طنين الذكريات انسى اللى فات وبلاش تفتش فى القلوب عنقود حلاوة العمر فيك مش ملك حد استنى خد منى الأمل هتعيش جمل رافع سنامه راح فين هيامك وانتصار الشوق لبكرة؟ راح فين غرامك باللى كان فى الحب قمرة؟ ما تفكها ولا تنجرفش مع الطوفان وان قلت لك أفرح كمان خد. منى صورة علشان تبان فى الصورة أوضح كل اللى كانوا مقصرين دايما معاك مش محتاجين انك توضح عارفين مداك رايح لفين شايفين عينيك المجروحين مش زيهم عارفين بأنك فى السنام زى الجبل ولا يوصلوش جواك لشبر. الصبر جواهم مرار والصبر عندك الاختيار اللى ف حلاوته بيبعدوك اصبر كمان وهيخدعوك طول ما انت فيك عزف الكمان. اللى بيكبر فوق حصاوى الليل يعدى واللى بيعرف أمتى يرجع ما تقول له.. هدى والدفة مش عايزة الشراع الدفة عايزة الارتفاع. ولا يوم.. تجنح خلينا نفرح.. مش عشانهم اسمعنى مرة وسيب مكانهم هيرجعوك.. والشط يبعد أقعد وشوف ضيي الحروف اللى بيرسلهم شعاع الحب فيك وده.. هيلاقيك ولا يوم هيشمت حد فيك المجد فيك ولا عمره شاف الانحنا والجدر قدام الرياح تثبيت لكل الأمكنة وهناك تلاقى المدخنة منهم سحاب وهيعرفوك يوم الغياب. والكاميرا تضحك وحدها على أى كاره… ضدها. واعشق بقى ماتجيبش سيرة الاوبئة ولما الجمل بيغذى ريمه الشمس.. تبرد وانا وانت ضحكة مقشرة ومعشرة فينا ابتسامة نور جديد. على ضحكة تطلع م الوريد وآهو ده المفيد.