ساحة الإبداع
قصيدة جديدة للشاعر هاني مهران
![هاني مهران](https://operamisr.com/wp-content/uploads/2022/10/311586999_5417872294934406_9092048439207153691_n.webp)
لو هسمع كل كلام الناس
على أي أساس أنا هصبح حر ؟!
أنا شايف مُر وجاي أمَر ..
وسكة بتحكم أحلامي
ولا شيء بيسُر
إزاي أنا حر ؟
أنا بكبر على عكس إرادتي
بنزف من روحي ومن طاقتي
والعمر بياكل من وقتي
وأنا غيري هيحكم مصلحتي
إزاي أنا حر؟
طب ينفع أرجع من تاني ؟
من غير ما أعافر أو أعاني
لو ماسك فرصة بأسناني
هختار إني أرجع لمكاني
إزاي انا هرجع لمكاني؟!..
أنا أصلا فاقد عنواني
أنا رايح فين ؟!
أنا جاي منين ؟!