ساحة الإبداع
أوبرا مصر تنشر الغربة قصيدة جديدة للشاعر رزق محمد
من فوق جبال كل الصعاب
عديت بحوري بمعلقه
ومشيت سنين على كعب داب
من روح تملي معلقه
بين الحنين للوطن وألشوق
إليه
مسيري يوم راجع إليه لو
علقوني في مشنقه
سنين وصابر ع الوجع والحمل
زاد فوق الكتاف
والقلب منهم إتوجع من كتر ما
زادو الخلاف
كبير ولكن مش جدع ولا عمره
يوم بص وشاف
ع الغلابة الشقيانين إللي
غداهم لقمه حاف
الغربة غول عمال يدور حوالين
ولادنا المحتاجين
فى الصحراء تلقى وف البحور
أرواح شبابنا المحرومين
منهم كتير عاشوا وماتوا ف
أرض غير أرض الوطن
واللى باقي ولسه عايش نفسه
يرجع للحنين
نفسه يحضن أرض وطنه لو
حتى بات من غير عشا
