كتبت : سلمي الكومي

فازت الفنانة مي عمر بمسابقة أجمل 100 وجه في العالم، حيث حصلت علي المركز الثامن، كأول مصرية تصل للنهائيات وتتفوق على بعض النجمات العالمية، وقد عبرت مي عن سعادتها الشديدة بهذا الحدث عبر حسابها الرسمي بموقع التواصل الإجتماعي “فيس بوك” حيث كتبت : “سعيده جدا بفوزي في مسابقة أجمل ١٠٠ وجه في العالم و حصولي علي المركز الثامن ، وإني أكون أول مصريه تكسب و توصل للنهائيات و كمان في العشره الأوائل متقدمه علي نجوم عالميين زي جال جادوت بطلة ووندر وومان اللي حصلت علي المركز ال ١٢ ، أكتر من حد من مصر إترشح للتصفيات قبل كده و لكن دي أول مره فنانه مصريه تكسب و تعدي التصفيات وتوصل للنهائيات و دي حاجه مفرحاني عشان سببين ، الأولي إني كسبت في مسابقه عالميه مهمه زي دي و الحاجه التانيه إني اللي كسبت فنانه مصرية بتحب أي مكسب أو إنتصار يحققه أي مصري ، مصر هي بلد المبدعين و العظماء”.

جديراً بالذكر أن الفنانة مى عمر واحدة من نجمات الصف الأول وقامت بتقديم عدد من البطولات فى السينما والدراما، في أدوار أكدت على موهبتها خاصةً بعد نجاحها الكبير فى مسلسلها “لؤلؤ” ومسلسلها  “نسل الأغراب”، ويعرض لها حالياً في السينمات فيلم “تحت تهديد السلاح”.