ياسر عبد الرحمن يكتب إلا الهروب

ماتفقناش ع الهروب
كان اتفقنا من البداية
إنك أنتِ هتصمدى
زى مدنات الجوامع أو حجارات الهرم
وهتفضلي.. زى العلم
بترفري ضد الرياح
وإن جت عواصف تقلعك
راح…… تثبتب
وتخبب مشهد دمعتك
لو يوجعك
إن أنتِ تبكب م الألم قدام عنينا
كان إتفقنا إن أنتِ راح تتحملي
وتلملمب دبش الوجع بين قبضتك
وتكملب آخر حواديت الوصول
مانتب القوية ع المرار
ومحال خطاكي تختفي
رغم السرطان العفي
كنتُظ الوحيدة بتعرفي سر الأمل
بتربعي ..
وبتحكي عنه للولاد
كان إتفاقنا مافيش هروب
وإن الدروب الحالكة ماتردكيش
لا تلينب يوم ولا تركعي
رغم ازيادات الحمول
رغم الجدل
وحاجات كتير متعمدة تدفع بذاتك للملل
أو… للهروب
لو كان جنون إن إحنا نفضل زى ماحنا
فقومي نصرخ ع الملاء
“يحيا الجنون”
مانتي اللب قولتلنا زمان إن الهروب
هو الهزيمة المنكرة
والانحناء
هو إذلال القدر
وإن الخطر لو تندثر أرض الحقيقة تحتنا
فاكرة الكلام ولا نستية؟!
فانتي لازم تفضلي
رغم النضوب..
رغم اختناقات الدروب الواصلة بين
قمح الأمانب…. والقناية
ياا ا اه ….
مشهد مخيف !؟
لحظة ما قولتب إن انتب مليّتي الحصار
وبتحدفي آخر قصاقيص الأمل
لحظة ماكنتي بتبعدي وبتبعدي
رغم إننا مع بعض ممكن
………………………… نلقى حل

ساحة الإبداع – أوبرا مصر