شريف أنيس يكتب كل يوم

كل يوم تنداس يا قلبي
…. بنار حبايب
برضه بتكدب عيونك
….. مهما تسمع
لسه بترفرف حزين
…..على حلم خايب
تاني بتصدق وشوش
…… بتغيب وتوجع
كل يوم نفس الجناح
…. مفرود وطاير
ضحكتك سكة وجع
….والريح بتحدف
لسه بتخط الحنين
…. على سطر حاير
والحبايب مش حبايب
….. مهما تحلف
ليه عيونك لسه شايفة.
….. الفرحة فيهم
ليه مصدق ضحكهم
….والمكر باين
تفرد الجناحات أمل
…. لما تلاقيهم
ويفوتوك بالليل غريب
…. بين المداين
لم همك من عيونهم
….ياخي وإرحل
فوت ستاير غربتك
…. مرخيه حبة
يمكن الشباك يحن
…. ف يوم ويسأل
مهما طيف الحلم
….. يقسى ويستخبى
وإن قالولك غيب وسافر
…. أوعى ترجع
لملم العمر اللي باقي
….ف ألف شنطة
دوس حنينك مهما
…..طيف الغربة يوجع
وإنسى مليون وش
…. بيحبوك أونطة

ساحة الإبداع – أوبرا مصر