منوعات
أحمد بيضون يكتب طقطوقة الصباح
طقطوقة الصباح
وهيجي اليوم..
يمكِن شمسي يطويها سراب
وجدايل طيف من غير أصحاب
وفوسط الزحمة بلاقي ضباب
وشعاع من نور من ناس أغراب
الصبح هيجتاز الأسوار
لو حتى جبال من أشرار
هيلملم أمل لو وسط دمار
ويهفهف مطرُه من غير إنذار
وأكيد هتغني أحلامنا خطاوينا
وتغازل كل قمر فينا
وهيرجع حق كان مجافينا
والضحكة هتملى ضواحينا
لو عدى نهار..
فيه ألف نهار..
لو مش موجود
يبق هيجي من بعدي وجود
وهيرفع رايتي من فيضي سدود
أنا عمري مسيب الباب مسدود
وهيجي اليوم.
أحمد بيضون – مصر
