ياسر محمود محمد يكتب بعرف إني أنا الخسران

(١)
والغنوة تاني تقول
مافيش رجوع
(٢)
مافيش للزحام
بينا مكان
ولا حتى للئام
عمر وزمان
(٣)
كل شئ انتهى
مابقاش..
غير الجرح واسع
يضم الفضا
(٤)
الجرح ألوان
جرح لون الوطن
وجرح لون الحبايب
وجرح وحدته
قلبي اللي دايب
(٥)
مُش هسألك
راجعة ليه
أنا هسألك
سبتي ليه
قلبي وسط الزمان
وحيد
كسير
رهين الألم
والأحزان
(٦)
كوني وحدك
إنتي
ماتختشيش
م الناس
قومي أدامهم
شفافة
زي صفحة ماء
وغني..
للي اتحدى بيكي
عمر وأمان
(٧)
بستسمحك
لحظة جلوسك
وحيدة
ف الأوضة إياها
تمحي
كل الخطايا
وتضربي سلام
للعنفوان
والحلم
الأسيان
(٨)
إنتي وأنا
عمرين سوا
قضينهم
خفنا م الطريق
ماخفناش من شىء
غير م الطريق
رمانا
سبانا
خد منا الصديق
(٩)
راهنت عليكي
وع القصايد
وف كل يوم
بكتب قصايد
بعرف ..إني أنا
الخسران!