د. مصطفى موسى يكتب الأربعون الإدارية (1) من يلا إدارة

ليه أفضل موظف بيمشي فجأة؟

“هو مشي ليه؟!
ده كان أحسن واحد عندنا!”

الجملة دي اتقالت في شركات كتير…
بعد ما الموظف “المثالي” قدّم استقالته فجأة.

ملتزم…
منتج…
مفيش عليه غلطة…
وفجأة… يمشي.

بس الحقيقة اللي أغلب المديرين مش شايفينها:
هو ما مشيش فجأة…
هو كان بيمشي ببطء من زمان… بس محدش لاحظ.

المشكلة مش في الاستقالة… المشكلة في الرحلة قبلها

أفضل موظف بيبقى عنده ميزة خطيرة:
إنه بيستحمل.

بيستحمل ضغط
بيستحمل سوء تنظيم
بيستحمل عدم تقدير
بيستحمل شغل زيادة
بيستحمل أخطاء الإدارة

وبيفضل ساكت… لأنه “مسؤول”
لحد ما يوصل لنقطة اسمها:
كفاية.

ومن هنا بييجي القرار اللي شكله مفاجئ…
لكنه في الحقيقة نتيجة تراكم طويل.

السبب الحقيقي (Root Cause)

المشكلة مش فلوس بس
ولا فرصة أفضل بس

المشكلة الأساسية غالبًا بتكون:
فقدان التقدير + فقدان المعنى

الموظف الشاطر مش عايز مرتب بس
هو عايز يحس إنه:

* مهم
* مسموع
* متشاف
* بيكبر

لما ده يختفي…
بيبدأ يدور على مكان تاني “يشوفه”.

المبدأ الإداري

أفضل الموظفين لا يتركون العمل…
بل يتركون بيئة لا تُقدّرهم.

الحل العملي

لو أنت مدير أو صاحب شركة، او HR اسأل نفسك بوضوح:

1. هل بتشوف شغله… ولا متعود عليه؟

التعود بيقتل التقدير
والتقدير هو الوقود الحقيقي

2. هل بتسمعه؟

مش كل الموظفين بيتكلموا
بس كلهم محتاجين حد يسمعهم

3. هل في نمو واضح؟

أفضل موظف مش بيهرب من الشغل
بيهرب من الثبات

4. هل بتشكره؟

كلمة “شكرًا” في وقتها…
أقوى من زيادة متأخرة

ديننا علّمنا قيمة التقدير والعدل حتى في أبسط الأمور:

قال النبي ﷺ:
“من لا يشكر الناس لا يشكر الله”

وفي العمل…
التقدير مش رفاهية
ده أمانة.

الخلاصة

أفضل موظف مش بيمشي فجأة…
هو بيمشي لما يحس إنه بقى “غير مرئي”.

فلو عايز تحافظ عليه:
ما تستناش الاستقالة علشان تبدأ تهتم.

ابدأ من دلوقتي…
وشوف مين عندك بيستحمل زيادة عن اللازم.