أخبار عاجلةساحة الإبداع

هناء أمين تكتب لسة جوه القلب

 

 

لسه جوه القلب طفلة بنغزتين
مرسومين ع الخد ضحكة وردتين
والضفاير ع الكِتاف متحيرين
ويّا نسمة يهفهفوا شمال أو يمين

لسه جوه القلب طفلة بريئة جدا
عمرها يعدي ومازالت طفلة جدا
البراءة ف كل شئ.. سري ومُعلن
هو عنوان الحكاية.. ولو بتحزن
كلمة حلوة تنسّي روحها الحزن فورا

طفلة عايشة بقلب أطيب م الطيابة
شايلة هم المظلومين.. حلم الغلابة
كلمة الحق القوية قصاد ديابة
طفلة لكن روح مقاتلة ونيل صلابة

طفلة مابتعرفش تجرح أو تخون
راسمة بسمة حب صافية بألف لون
بسمة تحضن قلب مليان بالشجون
تِبري جرحه..تطمنه.. الأحزان تهون

طفلة عاشقة للتحدي والانتصار
عاشقة ضي الفجر عايشة للنهار
قلبها يساع الحيارى ف كل دار
حرفها يبَلسِم جراح ويطفي نار

 

لسه جوة القلب طفلة ومش هتكبر
كل يوم بيعدي بيها العمر يصغر
عايشة عمر الحلم وردة وغصن أخضر
طفلة لكن عاقلة جدا مهما تصغر

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى