دراسات ومقالاتساحة الإبداع
أوبرا مصر تنشر عاطف وانا المعطوف للشاعر ابراهيم الدسوقي
عاطف وانا المعطوف
…
العشق فيك منقبة عاطف وانا المعطوف
والكل ليه مظلمة بيحج ليك ويطوف
قاصدك وكلي أمل ماتردنيش خايب
عشمي انول الرضا طبعك كريم ورؤوف
العشق فيك منقبة عاطف وانا المعطوف
كتر الذنوب أحمال والنفس أمارة
والحمل حمل جبال فارزقني ببشارة
فعل الشيطان عمال.. بيزود الأحمال
فاهديني في الأعمال.. تهزم حيطان الخوف
ده العشق فيك منقبة عاطف وانا المعطوف
النية اصل العمل وانا نيتي وصالك
ناوي أصلي واصوم واحج لوصالك
وازكي من نعمتك ..واشهد على حكمتك
امشي في نور سكتك..للتوبة انا ملهوف
ده العشق فيك منقبة عاطف وانا المعطوف
العمر عدى وجري على جمر حر ذنوب
والغيمة متسلطة لما اتملينا عيوب
لكن ارادة النور كشفت من المستور
بالرحمة من ربنا ..قالها “كريم وعطوف
