اشتقت لي شعر ميمي عبدالجليل

اشتقت لي !! بتقول وتبعتها بعتاب اشتقت لي !! تنده اوي طال الغياب من امتي كنت نصفتني عذبتني. اشتقت لي ؟!! ضحكتني فاكر زمان انا كنت لما بغيب يومين تنزل دموعك ع الخدود وتبات حزين تبعت لي كل السهرانين علشان اعود وتضمني و دلعتني اشتقت لي !! ضحكتني .. اشتقت لي وانا اعمل ايه راجع بشوقك بعد ايه بعد اما شوقي لعبت بيه بعد اما حبي جنيت عليه طب جاي امتي وفين وليه جننتني وراجع تقول.. اشتقت لي ضحكتني دلوقتي لما القلب شاب والعقل مني تاه وغاب راجع بتترجي ف عتاب م انت االي غبت وبعتني اشتقت لي ؟ !! ضحكتني اشتقت لي طب بعد ايه بعد اما شفت كتير ملام بعد اما دقت كتير الام بعد اما تاه كل الكلام دلوقتي جاي تودني !! ضحكتني اسمع بقي انا كنت بتحدي الزمان علشان اعيش ساعة لقا وكنت بحلم بالامان لو جتني تاني.. مصدقة انت اللي زودت الغياب انت االي مووت العتاب ف ابعد بقي م انت اللي بعت و خنتني وراجع تقول اشتقت لي!! فعلا اكيد ضحكتني… من ديواني الرابع ( ضحكتني !!)