أوبرا مصر تنشر بتعاند مين شعر مسعودة جاد الله

ياللي نهارك غادر بدري ورسمت الليل في عيون حايرين بدلت الدمعه بكام ضحكه علشان تفرح …..وفضلت حزين تناجي الطيف….. يناجيك وهمه وتشوف النور يرد ف عينك ضلمة صوتك في المواويل بتشكي لمين ؟!! ياللي الوردات اللي ف خدك خلوك مسكين الفل مراهن على زيفك وقت ما تفرح الغنوه تنادي الناي تعزف اللحن يثور…. ويتمرد منتش عارف رايح على فين بتسوق العمر قدامك وتحجم فيه !!! تلقاه يسوق فيك ويجعد شرايين روحك ويعد عليك الثانيه سنين يلا اشرب من مر ساعاته واصلب ضهرك وبلاش النضاره وحاول تحبي لوحدك مغرور لسه في لمعة عينك!! وملامح وشك….. الحلوين!!! دول باكيين على أيامهم المدفونه في ذكرى وصوره وكام فيديو بيصالحوا البسمه على الدمعه اللحن يلاحظ إصرارك يديك الناي تعزف وتعيش ويا حنينك يمكن لا تعاند ولا تشكي وتصاحب عمرك لو لحظه …. لو يوم واحد فتحس إنه مامرش فجأه يديك كام فرصه تتأنى تحب نهارك يستنى تعشق في شروقه خيوط الشمس اما تعلم في ملامح وشك فتزينك وتخلي سواد الليل رحله لجزيره بتحضن احلامك تسمي كدا وتبدأ يومك بيقين إنك مهما قاومت سنين هتقاومك وقتلت عقارب لفت بيك يمكن ترتاح من دورانها…… هتدبل أوراقك وتكرمش يابن الكره يا متكبر يا مريض يا حزين