نسيت اقولك أيه !!!!!! شعر كريمه محمد ابراهيم
نسيت اقولك أيه !!!!!!
وأنا اللى طول اليوم.……
عماله أحضر ف الكلام
يدوبك قلت سلام نسيت حروفى…
نسيت الجمل!!!!!!
حتى العتاب والملام
وافتكرت بس إنى شفتك!!!!
بعد. غياب شهور وعام
الصمت منى كان رساله
ورسالتى اتفهمت قوام
أنا اللى إديتك محبه
وانت اللى جواك الخصام
ف حضن عينى.
تستخبى و ف كفى تسهر تنام
بس إيديك سابت ايديا
ولاعدتنى ف يوم زحام
قلبى ليك طول عمره لين
وقلبك ليه حته. رخام
طول عمرى للصبر أبين ومشاعرى.
كت بكر خام
أترميت. فى حضن جافى
وقلبى كان ناقص علام
عايشه على إنك حبيب
شمعتى وسط الضلام
بس ليه أنت تسيب روحى
تتشعلق مدام كنت ناوى ع الرحيل
وبعتنى. بأيه وبكام
ليه تجيب اللوم عليه
أنا كنت لك أيوه ضحيه
بس جوايا انسجام
عارفه انك ليه راجع
رغم المواجع والآلام
وببتدى صفحة جديده
أنا مش عنيده أنا عايزه حب
لكن حب مليان إحترام
حب معجون. بإهتمام
حب يخلق جوايا سلام
نبتدى معاهده سلام
تبقى لى عقلى و مرايتى
وأنا لك الاولى ف الغرام
