شريف مُنير للرئيس السيسي : “الإنجازات مالية مصر كلها .. وحاجات اتعملت في لمح البصر .. والقطر ماشي”
خلال مشاركته بالفيلم التسجيلي لمؤتمر افتتاح المرحلة الأولى لمشروعات مدينة المنصورة الجديدة ..
كتبت : منار علي
خلال مشاركته في الفيلم التسجيلي لمؤتمر افتتاح المرحلة الأولى لمشروعات مدينة المنصورة الجديدة، بحضور الرئيس عبد الفتاح السيسي، تحدث الفنان شريف منير في خطابه بالمؤتمر أمام الرئيس عبد الفتاح السيسي قائلاً : “الفيلم التسجيلي اللي اتذاع اتقال بصوتي والإنجازات دائماً واضحة مش هنتكلم تاني عن الإنجازات اللي مالية مصر كلها.. حاجات اتعملت في لمح البصر.. ياريس أنا كل يوم بقوم بلاقي بلدنا متغيرة أروح مشوار وأرجع ألاقي الدنيا متغيرة والله.”
وأضاف النجم : “أنا من سكان حي المقطم، المقطم بقى حاجة تانية مابقاش حي أصبح مدينة في منتهي الروعة، أحكي ليكم نبذة عن حياتي وعلاقتي بمدينة المنصورة، أنا اتولدت في المنصورة وحبيت الفن في المنصورة بلد عظيمة وناسها حلوين.”
واختتم شريف خطابه قائلًا: “العالم كله كان بيقابل تحديات، إحنا هنا كنا بنعمل إنجازات واضحة، واللي مش مصدق مع نفسه بقى ملناش دعوة .. احنا لو بقينا واحد وبنشتغل وعندنا ضمير صاحي، كله هيمشي. اللي عاجبه عاجبه، واللي مش عاجبه، القطر ماشي .. مش هنقف”.
