(الليله ليلة القدر )

الليله ليلة القدر
قوموا جدِّدوا النيَّه
رمضان يا عالم شهر
مش عشره أو ميَّه
ادعوا وقولوا يا رب
احفظ لنا بلدنا
من كل أذى أو شر
يا رب واحميها
حب الوطن غِيَّه
اسقينا وطنيه
يا بلدنا محروسة
وبجيشنا محميَّه
وادعي على الخاينين
اللي ما ليهم دين
وف سكة الشياطين
ماشيين ضلاليه
سرقوا النهار منا
بعدوا الربيع عنا
طفوا قناديلنا
وهو ده شويه ؟!
اللي يقتِّلنا
يا بلدنا مش مِنَّا
و لا ليه مكان بينَّا
و لا ليه هنا ديَّه
واللي يراعينا
ويصون أراضينا
نشتاله في عينينا
وأرواحنا ليه هديه
حب الوطن غيه
اسقينا وطنيه
يا بلدنا محروسة
وبجيشنا محميه

ساحة الإبداع – أوبرا مصر