خلاص.. حسمت موقفى
خلاص عزمت علي الرحيل
خلعت لوني المنطفي
ونشرت قلبي في حبل غسيل
وبدأت اغنى واحتفى بالأمكنة
ووهبت قلبي لحل بديل
فرقّت نفسي ع الشوارع والمدن
ونسيت اهاتي
وكتبت يافطه ع السكك
مهما تهاتي
مهما تنادي وتاسفي
قلبي خلاص ما بقاش لكي
واه واه لو تعرفي
انا كنت احبك اد ايه
قررت انسي واروح بعيد
وابني في قلبي سور حديد
سور وما يعديش وانتي
انسي انك كنتي فيه
انسي كل لحظه عدت
وانتي مالكانى معاه
انتي بعتي انا ما شتريش
انتي اهة بجد اه
انتي بغض ما ينتهيش
انتي زيف جوا الحياه
انتى سجن بوش مدهب
انتي غصة في حلقى تتعب
والرجوع المستحيل
خلاص حسمت موقفى
خلاص عزمت علي الرحيل
اعرفى….
ان الحياة دايرة لأخر المنتهى
حُبك خلاص…
وبقولها من قلبي انتهى
شوفتى الملامح قد ايه متغيرة…….
شوفتى العيون اللي بكت
دلوقتى ايه……
وقد ايه انتى طلعتى صغّيرة
لمّا تفوتي قلب حبك وتسيبيه
كان للحياة بنّا ابتسامة..
وعلامه سايبة
ع الدقايق طير برئ
رفرف علينا بالسلامة
شوفنا طريقنا
وكان طريقنا اجمل طريق
ليه اتبّدلت كل المعانى؟
والطير جناحه ينكسر
ليه تبقي فجاة فى لحظة جانى
وتبّدلى الحب ل أثر..؟
انتى خلاص مش ازمتى
وانا قدت شمعة وقولت مات
نبضك فى ساحة سكتى
وعملت م الذكرى مقام
فيه انتى مش نور مكّتى
صليت عليكى ب كُره ..اه
شلّاه لاهل العشق
من طول دمعتى
