قصيدة (كلب الطبيب) شعر ولاء حجازي الدقهلية
قصيدة (كلب الطبيب)
شعر ولاء حجازي الدقهلية
كلب الطبيب اتهان حرام شفتوا ياناس اللي حصل ولا شاف يا عيني الاحترام والحال خلاص بينا وصل ما تضربوله تعظيم سلام او كلمتين سم ف عسل حيوه يا خلق ويا كرام وتقدروه بحب وغزل يا خلق هوووو يلا أجمعوا تعالوا شوفوا واسمعوا ايه الحكاية ده القصة بادئة من سنين وآدي النهاية شوف الطبيب بيقوله ايه : معقول بتتريق عليه هو إنت مين ولا انت ايه معقول بتجرح قلب كلبي لا فوق لروحك يااسمك ايه لو هو كلب قولي انت ايه والمجني كان طب رده ايه : انا بجري على رزقي يوماتي عايش بداري ف كوم آهاتي انا بسعي ع الرزق الحلال بس انت ظالمني وبهاتي ولا قادر غير بس أطاطي شوف الطبيب هيقوله ايه: لازم أذلك وكمان أهينك وانسى الزمالة بيني وبينك ع الأرض واسجد مرمغ جبينك انا عمري عالي قولي انت فينك والمجني كان طب رده إيه : أنا عمرى م اسجد غير للإله وإيماني بيه وحده النجاة واذا كات حقيقي مُره الحياة ف انتوا السبب ف اللي احنا فيه لو ع الاهانة هنقول ومالو لجل عيشنا والعيشة مرة والمرار عرش عروشنا والكيل طفح ونداري على دمعة رموشنا ويا مين ف يوم حس بوجع على مُر عيشنا لما الألم ضلل وعشش جوا جوفنا لما الوجع زود وغطى كل خوفنا لما المذلة كانت طريقنا للنجاااااااة ليه العيشة مُرة قاسية صعبة فالحياة مفروشة عيرة بالمناصب والوجاهة يا وشوش حقيرة كلها خسة ومتاهة صعب التلاقي بينا يخلق انسانية وأنا لجل عيشي قولي ليه ابقى الضحية
