ع الحوداية شعر: حلمي ابراهيم

..١…..

ووشى بتجرى عليه المراكب فى المرتفع 

وتغرق معاه فى السَفْح ويّا الهبوط

يزورنى الـبحـر فى السر 

م المرتجع

فيدفعنى موجُه بخفة ويرمينى برة الشطوط

..٢……….

واحب احتفظ زى الخريف ببعض الزهور والورق

يجوز زى ذكرى بتوصل لضلى فى المفترق

يـتـوه منى ويـّا الـغـيـوم 

ع الرصيف

فتكنسنى روحى الملم فروعى واخش السَبَق

..٣……

واشتلت اسمى على كتفى وفضلت أطوف

فيه  حرف علة عايز ينزل ومالوهش وقوف

التانى جاى عاين قيمته اعمل معروف

والياقى ساكن متحرك ماهوش رافض

ياعمر انت صحيح ماشى لكن مكتو

.٤…….

لانا ف طولك ولا ف عرضِك أنا دايرى وماليش فيكى

باغطى حروفى تتكشف وتتهجى ف معاليكى

وانا وأحلامى وحروفى بنتجمّع فى أحلامك

ولو صحرتى أحلامى انا من ضمن حواريكى

…٥……

وشِك ملك وكتابة وانا تايه فى الحروف

انتِ شمس وقمر وانا جىّ من الكهوف

يمكن قمرِك بيخسف لكن شمسك طالتنى

وحتى ف يوم كسوفك ولعت عشان أشوف

.٦……

مابين السَكرة والفَكرة حبك شرع وقانون

انتِ اللى فات وبكرة حاضر مسّه الجنون

حبِك صادر ووارد ومذكرات دخول

قلبك سجل مروره قلبى من غير أذون

..٧….

وضعِك معايا قائم وضع الفلاش والكاميرا

ساعات فتحة وضمة وساعات بتبقى كاسرة

فى مستوى الملف ح تاخد “زاوية ميلك”

والكاميرا لو مهزوزة ح اتلف عليها دايرة

..٨…..

ماهيش متقاسة بالقصبة ولا الجنزير

ولا سكتها محسوبة ولا المشاوير

بـتـبـدِل شـمـسـهـا ضِـلـة وبـتـضّـلِـل

وكام “مسرة “وبتعدى وكام  “أمشير”

..٩…..

ولسة القلب مش شايف مكان جواه يقوم بالدور

ولسة الدور ماهوش واضح ومتوزع غياب وحضور

يجوز حصرى ومتواصل يجوز واحد ومتكرر

ولـجـل وقـوفـى مـتـكرر نلم الـدور