مالكْ ..
حنَيت من تاني
رجًعت عنيها الزمن الميت فيك .
ح تْغنّي إليها
ح تصحًي في قلبك نار مدفونة
إياك تسْتًسْلم
مانْتًاش المخلوق للحب
اتْسًلّى بكل بنات الكون
بعتر نفسك جوه قلوبهم
كحل كل عيونهم بيك
كنْ ….. فَتَكٌون
زيًن وَطَنك
وطنك حضنك .. حضنك ولدك
ولدك سندك …
مالك …؟
حنيت من تاني
ح تلاعب نفسك دور شطرنج
ح تسافر ليها
سافر وحدك
لون وشك زي الشعرا
وشك صفر
صفر .. زرق
أزرق … تخسر
تخسر .. مالك .. ؟
بتعييش نفسك وهم جديد
بتبيع القلب عشانها بلاش
ح تدخل روحك سيرك
قلبك أبيض
عشقك مش ح يلون كل جوانبه
حنيت من تاني
مع إنك قافل كل بيبانك
حنيت كفوفك
قبل ما تغسل قلبك م الأوجاع
انصح روحك
ريحك مش ح يهز عنيها
سلم تسلم
وإن سلمت حتخسر ..
قلبك
مالك ..؟
بتفكر نفسك بالأوجاع
قلبت دفاترك
علمت بقلمك ع الأوهام
أشياء محسوبة .
بس انت ياريت تكون محسوب
كن … فتكون
وإن شئت تكون
ح تخون
وإن خنت ح تبقى ..
عينيك مساجين
مالك …
حنيت يا حزين
فتحت بيبانك ليها
ولاك مجنون
مالك
حنيت يا حنون ؟
