ساحة الإبداع
غروب : شعر درويش السيد
غروب : شعر درويش السيد
نزل الغروب
فى.البحريغسل دمعته
شايل هموم
كل اللى عدى فى سكته
اتنين حبايب فرحانين
كانت أيديهم تبتسم
وقت اللقا
واللهفا تنده ع القلوب
تنسي الشقا
البحر بيشاور لهم
يرمي الهوى
الموجه ترفعهم سوي
يتشعبطوا فى خيط الشموس
ويعدوا الوان الشماسي
والكراسي
واللى حب زمان وناسي
واللى طاوع قلبه مره
يندفن جوه المجره
تتقلب نسمه برياح
تترسم عالموج جراح
هى تطلع
هو راح
تنزل الدمعات تغرق
رملة الاحلام تشقق
طوق نجاه مافيهوش هوى
سلسله وقلب انكوى
حبة ودع
على كام محاره
باقى ايه بعد الخساره
دبله فاضية وكام سيجاره
والغروب روح مدمع
هو فرق مين يجمع
هو فرق مين يجمع
