الحظ اللي ما يعرفش … شعر : حسن خضر الباقوري

الحظ اللي ما يعرفش

………….؟………..
وازاي حواديتك دايماتسرقني ….
وتسرسب احلامك احلامي
في جراب الزمن المتعفر بتراب الايام…….
بتحاول تنفض عنك اوجاعك
ترمي لك حبة فتافيت
عيش عشان………..
احلم بس…………
بس لحد ما تقدر تمسك حلمك عيش…
انت حاولت…….
لكن خانك الحظ
اللي ما يعرفش لحدك شارع
علشان يوصل لك من الحاره المزنوقه في روحك
مش عارف تخرج منه إزاي
دايما بتفسر أحلام الناس
علي أنها أوجاع مرصوصة على الاسفلت
والليل حواديت مليانه آلام
فبلاش تداري ف خوفك مني
واسالني قبل ما تفرك عينك
وتحقق م الصوره المرسومه
على ضهر الحيطه البايشه
أنا عايزك تنده على أ حلامك
من غير ما تحاول          تقلق نفسك ……….
وبلاش ترشقني في جدار الصمت الساكن من جواك
فتخيلني صوره
ملهاش معالم
ملهاشي برواز
علشان تقدر تتحكم فيها
وتفك الألغاز المحفوره
في الزمن الصعب.          اللي إنت حاولت تعيشه
زمنك زمني………
انت حاولت تخرج نفسك منك ما عرفتش
علشان ما قدرتش
تدفع ثمن الطلب.

المحطوط قدامك

منطقة المرفقات