ساحة الإبداع
ولأننا أصلا ضعاف .. شعر أشرف القن
ولأننا أصلا ضعاف
فلزمن نخاف ..
بنخاف ساعات م العسكري
وساعات نخاف م الكمسري
من أي حد شيك أوي
وف ايده شنطة
أو أي حد من اللي همه
اللي بيبيعوا الأونطة
رزقنا ضيق أوي
عايشين على حد الكفاف
عايشين وماحناش متشافين
زي ما تقول كدة ع الضفاف
وف أي مجلس م المجالس
تلاقينا ديما صوتنا واطي
بنبتسم …ونكون لطاف
وف أي كارثة من الكوارث
تلاقينا ديما الضحية
واحنا اللي شايلين القضية
ومتساقين إلى الدبيح
كما الخراف ….
دا لأننا أصلا ضعاف
فلزمن نخاف
من خاف سلم
ده مفيش خلاف
من خاف سلم
ده مافيش خلاف
