ابن موت : شعر سند صبحي

ابن موت شعر: سند صبحي

من ساعة ما دكاترة المركز بحالهم أجمعوا انى ابن موت ابويا آيل للسقوط كل مانرمم جنابة ضهره ينشع كل ماندفى فى جسمه عقله يسقع كل ماينظرلى مره ونقول خلاااص النظره تغرق فى السكوت من ساعة مادكاترة المركز بحالهم أجمعوا اني ابن موت امي هنااااااك ماسكه في خناق الحسين معرفش ليه ستي ام ابويا اتشمللت قالت خلاص نشحت عليه واختي هناء كل اما تهرب م العنوسه وتتخطب القطر من فوقها يفوت من ساعه مادكاترة المركز بحالهم أجمعوا انى ابن موت عمى الكبير خزق عيون الشمس من فوق سطحنا وفرد قلوعه ع النهار والليل ومراته بتضلل على عيالها بنا وف أيدها ماسكلنا الريموت (هذا السيناريو والحوار ) عايشينه من تلاتيييين سنه وانا ابن موووووووت