يوم ما نصلي الفجر جماعه شعر : أحمد مغربي

يوم ما نصلي الفجر جماعه زي صلاة العيد والجمعه حق القدس هاييجي في ساعه وترجع لينا كرامه وسمعه إحنا بعدنا كتير عن ديننا قال إيه فاكرين إتمدنا خدنا من الغرب التفاهات والأقصى بيتاخد منا أدي الكل إستهزء بينا العيب أصلا منا وفينا إحنا بنتقسم أحزاب والغرب بيتحدوا علينا ربنا نص نصوص نسيناها قال إعتصموا إحنا تركناها حتى الجامع مابقاش جامع بعد جماعته اللي هجرناها لم الشمل شملهم هما صبحوا عواصم ليهم أمه إحنا بنستسلم للواقع وإحنا بنتمرمغ في الغمه الأستاذ بيسب الدين والناظر شحات ومدين مين في الجيل الصاعد مثلاً ينفع يبقى صلاح الدين