أشركت بك شعر فاتن البقري

” أشركت بيك “

الشك دينك واليقين مذهب

وجودي وملتي ضلتني

وللا لسَّه فيَّه بتهتدي

وصَّلت قلبي لمُنتهاه

لو كنت يوم فيَّه نبي

أنا عشت عمري فيك إلاه

سخَّرت لك كل اللي كان ممكن يكون

كان يكفي بس تقوللي

كُوني عشان ما اكون

عرش الهوي ملِّكتُه ليك

وعشان عنيك خَلَّقت كُون

أذِّنْت ليه فِيِّه الضلال

وأنا هَدْمَه فيك صنم الظنون

أبنيِك مآذن أنبيه وأنشُر رسالتك جوَّه قلب الناس ضِيا

وعشان ماتِبْرَي من ذنوبك

بنصِلِّبْ لك معصية

ايه تاني كان ممكن يقدِم قلبي ليك

آمِنت بيكي آمنت بيكي ؟

جيِّ تقُولها والشكوك ماليَّه عنيك ؟

آمنت بيكي جي تِنَصَّبْنِي

هُبل تبَّت يَديِك لو كان ايمانَك شك

جيِّ تِشَّهَرُه

فأنا باليقين وبكُل مَذْهَب للهوي

وبكل مِلَّة وكل دين أشركت بيك