البيه الأستاذ

يا عم رمضان احضرنا
شوف اللي عمله البيه الأستاذ
مع إنه ابن الحتة وجارنا
وأهله ناس كُرَما وعزار
بقى كل شهر يكدَّرنا
ويزيد مع الكهربا والغاز
داحنا يا عم اتسحَّرنا
ونمنا على نور لمبة جاز
ولا عدنا بنشغَّل سخان
ولا عدنا بنولَّع بوتاجاز
ولا قهوة ولا شاي ولا دخان
ولا حل كلمات ولا ألغاز
قول له يا عم احنا ف رمضان
مش ناقصين أي استفزاز
ليه الواد يرجع زعلان
يكسر خاطره البيه الأستاذ
أنا ودِّيته الدرس عشان
ينجح وبدرجة ممتاز
بس انا أي زيادة كمان
مش هستحمل ده احنا إزاز.

ساحة الإبداع – أوبرا مصر