أربع حيطان شعر : رشا ناجح

أربع حيطان
شعر : رشا ناجح

وجثة من الألم دايبة
ما تشوفش فيها غير عينين
أوراقها سقطت ف الربيع
حبة دموع متجبنة
فوق الخدود
حبة وعود متكفنة فوق الشفايف
مش باقى منها
غيريادوووب
كام نبض خايف
كتاب العمر أدامها
مابين السطر والتانى
تلاقى الصمت يتكلم
مابين الطية والطية
تلاقى دموع
أمل موجوع
وف قلوبها بحور م الدم
مابين الآهة والآهة
تلاقى خمسميت آهة
بتستجدى دموع العين
كل الآهات اتشبكت
حلفت يمين
ما تسبها حية ترتوى
ولا حتى حية
تلدغ وتهرب ف الجحور
ولا شايفة نور
يرمى بشعاعه
ع الطريق
محكوم عليها
بقت حياتها
تنسجن ف أربع حيطان